Azərbaycandan seçiləcək dörd nəfər tələbə 2010-12 tədris ilində Bakıda və Tbilisi şəhərində təhsil alacaqlar. Jurnalistika üzrə dərslər ABŞ, Avropa Birliyi, Gürcüstan və Azərbaycandan olan müəllimlər tərəfindən aparılacaq. Adı çəkilən məkəbin müəllim heyyəti və tədris planı mərkəzi Vaşinqton şəhərində yerləşən “Jurnalistlər üçün Beynəlxalq Mərkəz” və Luiziana Universitetinin Manşip məktəbi ilə birgə hazırlanıb. Bu proqram Açıq Cəmiyyət İnstitutunun əlavə yardımı ilə ABŞ-ın dövlət departamenti tərəfindən maliyyələşdirilir.

Ümumilikdə proqramın məqsədi Qafqazda formalaşmaqda olan demokratik cəmiyyətdə medianın gücləndirilməsidir.

Hər il region ölkələrində peşəkar jurnalistlər və digər ixtisaslar üzrə ali təhsili olanlar arasında keçirilən müsabiqə yolu ilə 25 tələbə bu proqram üzrə təhsil almaq üçün seçilir. Həm çap həm də tele-radio yayımı mediası nümayəndələri üçün nəzərdə tutulan tədris planı praktiki yanaşma və tomlanmış təcrübə prinsipləri üzərində qurulub və faktlarla əsaslanan peşəkar xəbər çatdirilmasını nəzərdə tutur. Burada həmçinin idarəçilik üsullarına və iqtisadiyyat və hüquq fənlərinin tədrisinə də diqqət ayrılacaq. Tələbələrin kompyuter, radio və video avadanlıqlardan, İnternet və zəngin kitabxanadan istifadə etmək imkanları olacaq. Proqram çərçivəsində tələbələr Brosse Street Journal adlanan jurnalın həm çap, həm də internet versiyasını buraxacaq və GİPA FM radiosu vasitəsilə xəbər proqramlarını yayımlayacaqlar.

Tədris İngilis və Azərbaycan dillərində aparılır.

Proqram 2010-cu ilin oktyabrından 2012-ci ilin may ayınadək olmaqla dörd semestri əhatə edəcək. I və IV semestrlər Bakıda əməkdaşığa cəlb olunan Xəzər Universitetində keçiriləcək. Tələbələr 2011-ci ilin 11 ayını (yanvar-dekabr) Gürcüstanda təhsillərini davam etdirəcəklər. 2012-ci ilin may ayında onlar diplom işlərini müdafiə etmək üçün yenidən məkətəbə qayıdacaqlar.

ABŞ-ın Bakıdakı səfirliyi tələbələrin Gürcüstanda olan zaman tədris haqlarını maliyyələşdirəcək.

Qəbul üçün prosedur: İngilis dilindən test (TOEFL), inşa (Azərbaycan dilində) və bu ilin sentryabrında Azərbaycan-Amerika qəbul komissiyası üzvlərinin keçirəcəyi müsahibə. Sənədərin qəbulu üçün son müddət 2010-cu ilin sentyabrın 1-dir.

Əlavə məlumat və sənədlərin təhvili üçün əlaqə saxlayın:

İlqar Xudiyev, proqramın yerli təmsilçisi

E-mail: ixudiyev@yahoo.com

Tel.: 050 319 66 80 (cell)

 Gürcüstanın İctimai İşlər İnstitunun nəzdində

Qafqaz Jurnalistika və Media İdarəçiliyi Məktəbi

Ünvan: Brosse küç. 2, Tbilisi, Gürcüstan

E-mail: jschool@gipa.ge web: http://www.gipa.ge/csjmm/cert_en.php

Əlavə məlumat:

Əsası 1994-cü ildə qoyulan Gürcüstanın İctimai İşlər İnstitutu özəl tədris ocağı olmaqla Qafqazda demokratik və bazar islahatlarına dəstək olmaq üçün yüksək ixtisaslı ictimai qulluqçular və jurnalistlər buraxan institutdur.

Qafqaz Jurnalistika və Media İdarəçiliyi məktəbi 2001-ci ildə jurnalistika və media idarəçilyi sahəsi üzrə tədris və təlim proqramları vasitəsilə Qafqazda müstəqil medianın inkişafını dəstəkləmək məqsədilə yaradılıb. Məkətbin fəlsəfəsinə əsasən dəqiq və qərəzsiz xəbərçilik ənənəsində təlim görmüş jurnalistlər işlədikləri yerdə jurnalistikanın səviyyəsini qaldırır, dəqiq məlumat verməklə və peşə standartlarını yüksəkdə tutmaqla cəmiyyətə xidmət göstərir.

Məkətbin açıldığı vaxtdan bəri 130-a yaxın məzun ingilis dilli regional proqramı bititrərək jurnalistika və media idarəçilyi üzrə magistr dərəcəsinə yiyələnib. Məktəbin Azərbaycandan olan məzunları yerli media sahəsində lider vəzifələrdə çalışmaqdadırlar. Onların 87%-i hazırda müxtəlif sahələrdə çalışırlar. Bizim məzunlar hazırda işlədikləri televiziya, radio və qəzetlərdə dəqiq, qərəzsiz, müstəqillik kimi prinsiplərə söykənən tanınmış jurnalistlərdir. Məzunlarımızın ən çox cəmləşdiyi media qurumları 1stNyuz, Turan, APA informasiya agentlikləri, ANS TV, ANS Press, CBN, Hesabat jurnalı, BBC Monitorinq, Azadlıq/Azad Avropa radiosunun rus və azərbaycan xidmətləridir.

Baxılmışdır: 63

Çap versiyası